About Steve Waugh and Ganga

ఆస్ట్రే లియా క్రికెట్ మాజీ కెప్టెన్
steve waugh
అతని మిత్రుని చివరి కోరిక ప్రకారంగా
అతని మరణ అనంతరం
ఆ అస్థికలను తీసుకువచ్చి కాశిలో గంగా నదిలో కలిపారట.
ఇదీ మన సనాతన ధర్మం గొప్పతనం.
ఇదీ మన భారత దేశ భూమి యొక్క, నదుల యొక్క ఔన్నత్యం.

ఇతర మతాలవాల్లు ఒప్పుకున్న ఒప్పుకోక పోయినా,
నేను ఇక్కడ ఓ మాట మాత్రం నిష్కర్షగా చెప్పదలుచున్నాను.
అసలు ఏ మతంవారైనా ఈదేశంలో పుట్టారంటేనే వారు చాలా పుణ్యాత్ములని అర్ధం.
పుణ్యాత్ములు కాని వారికి ఈదేశంలో జనన మరణాలు రావు.

అంత గొప్పది మన భారత దేశం.
అందునా అవిముక్త( ఎన్నటికి ఎన్ని కల్పాలు గడిచినా యుగాంతాలలో కూడ నాశనము లేని) కాశిక్షేత్రం
ఇంకా ఇంకా ఎంతో పరమ పావనమైనది.

ఏ క్షేత్రంలోనైనా ఏదైనా పుణ్యాలు చేసుకుంటేనే ముక్తి వస్తుందేమో!
కానీ ఈ కాశి లో ఏం చేయక పోయినా ఇక్కడ చస్తే చాలు అదే ముక్తి.

అందుకే ఈ ప్రపంచంలో అంతా బతక టానికి చచ్చినంత పనై బతుకుతూ  ఉంటే
ఇక్కడ ఈ కాశిలో మాత్రం చావటం కోసమే ఎదురు చూపులు చూస్తూ బతుకుతూ  ఉంటారు.

అటువంటి ఆ కాశీ క్షేత్రం గురించి ఎంత చెప్పినా తక్కువే అవుతుంది.

ఏ క్షేత్రమైనా వెడతాము అనుకుంటే వెళ్లి తీరాలి
లేకపోతే చాలా దోషం అని చెప్తారు.
అందువల్ల వెళ్లగలిగితేనే మొక్కు కోవాలి
లేకపోతే లేదు అంతే.
కాని కాశి క్షేత్రం అలా కాదు.
నువ్వు వెల్లగలిగినా వెల్లలేక పోయినా,

"అహం కాశీం గమిష్యామి
తత్రైవ నివసామ్యహం
ఇతి బ్రువాణ సతతం
కాశివాస ఫలం లభేత్||"

నేను కాశి వెడతాను
నేను కాశిలో ఉంటాను
ఇలా నిరంతరం అనుకున్నంత మాత్రంచేతనే
కాశిలో నివాసం చేసిన ఫలితం లభిస్తుందని శాస్త్ర వాక్యం.
అంత గొప్పది కాశి క్షేత్ర మహాత్మ్యం.

ఆ గంగా నదీమతల్లి మహాత్మం కూడా అంతటిదే.

"గంగా గంగేతి యోబ్రూయాత్
యోజనానాం శతైరపి
ముచ్యతే సర్వ పాపేభ్యః
విష్ణు లోకం సగచ్చతి||"

మనం గంగానదికి ఎన్ని వందల యోజనాల మైళ్ల దూరంలో ఉండి ఉండినా,
మనం స్నానం చేసేటప్పుడైనా
ఏ పుణ్యకార్యం చేసేటప్పుడైనా
గంగా గంగా అని పలికితే చాలు
మన సకల పాపాలు తొలగి పోయి
విష్ణు లోకాన్ని పొందుతామని పురాణ వాక్యం.

అటువంటి గంగ ఎక్కడైనా పవిత్రమే,
కాని అదే గంగ కాశిలో ఉండగా అయితే
ఆ పవిత్రత వర్ణించటం ఆ శంకరునికే అసాధ్యం.

అటువంటి ఆ కాశి గంగలో అస్థినిమజ్జన గొప్పతనం గురించి
గరుడ పురాణం లో ఓ గాధ ఉంది.
ఒక కిరాతకుడు ఆ జన్మలో తను ఎన్నో పాపాలు చేసి ఉన్నా
తన పూర్వ జన్మ సుకృతం వల్ల తన మరణానంతరం
అడవిలో పడిఉన్న అతని భౌతిక దేహంనించి
మాంసంతో కూడిన ఓ ఎముక ముక్కను
ఒక కాకి ముక్కున కరచి పట్టుకుని
గంగానదిమీదుగా పైన  ఎగురుతూ ఉండగా
ఆ కాకి ముక్కునించి ఆ ఎముక పొరపాటున జారి
ఆ గంగా నదిలో పడుట వలన అంత మాత్రం చేతనే
ఆ కిరాతకునికి మోక్షం సంభవించినదని గరుడ పురాణ వాక్యం.

అటువంటి మహా మహిమాన్వితమైన ఆ కాశిక్షేత్రం తో కూడిన
ఈ భారత దేశంలోమనం జన్మించటం మన అదృష్టం.

ఇతర దేశాల వాల్లు ఇతర మతాలవాల్లు మన భారత ధేశ వైదిక సాంప్రదాయ ధర్మం యొక్క
విలువను గుర్తించి ఈ ధర్మం పట్ల అనురక్తులు అవుతూ ఉంటే,
ఈ దేశంలో ఈ హిందూ ధర్మంలో పుట్టినకొంతమంది అజ్ఞానంతో అమాయకత్వంతో
ఎండమావులవెంట పరుగులెడుతున్నారు.

What is Pooja and the essence of its Process and Termonology

#ఈ పూజ ల పరమార్థం ఏమిటి..?                              💠పూజ                                           
💠అర్చన                                                          💠జపం.                                 
💠స్తోత్రం.                                                                  💠ధ్యానం.                                                              💠దీక్ష.                                                                        💠అభిషేకం.                                                💠మంత్రం.                                                            💠ఆసనం.                                                                  💠తర్పణం.                                                                💠గంధం.                                                              💠అక్షంతలు.                                                    💠పుష్పం.                                                  💠ధూపం.                                                              💠దీపం.                                                                    💠నైవేద్యం.                                                            💠ప్రసాదం                                                                💠ఆచమనీయం.                                                  💠అవాహనం.                                                            💠స్వాగతం.                                                                💠పాద్యం                                                          💠మధుపర్కం.                                                            💠స్నానం.                                                                  💠వందనం.                                                              💠ఉద్వాసన....                                                                     
పూజ-పరమార్థాలు:

పూజ -->⏩ పూర్వజన్మవాసనలను నశింపచేసేది. జన్మమృత్యువులను లేకుండాచేసేది సంపూర్ణఫలాన్నిచ్చేది.

అర్చన-->⏩ అభీష్ట ఫలాన్నిచ్చేది చతుర్విధ పురుషార్థ ఫలానికి ఆశ్రయమైనది, దేవతలను సంతోషపెట్టేది.

జపం-->⏩ అనేక జన్మలలో చేసిన పాపాన్ని పోగొట్టేది, పరదేవతను సాక్షాత్కరింప చేసేది జపం.

స్తోత్రం-->⏩ నెమ్మది నెమ్మదిగా మనస్సు కి ఆనందాన్ని కలిగించేది, సాధకుని తరింపజేసేది స్తోత్రం.

ధ్యానం-->⏩ ఇంద్రియ సంతాపాన్ని మనస్సుతో నియమింప చేసేది, ఇష్టదేవతను చింతింపచేసేది ధ్యానం.

దీక్ష-->⏩ దివ్యభావాలను కల్గించేది, పాపాలను కడిగివేసేది, సంసార బంధాలనుండి విముక్తిని కల్గించేది దీక్ష.

అభిషేక:-->⏩ అహంభావాన్ని పోగొట్టేది, భయాన్ని మథించేది, పవిత్రోదకాన్నిచల్లేది, ఆనందాదులను కల్గించేది.

మంత్రం-->⏩ తత్త్వం పై మననం చేయడం వల్ల భయాల నుండి రక్షించేది మంత్రం.

ఆసనం-->⏩ ఆత్మసిద్ధి కల్గించేది, రోగాలను పోగొట్టేది, క్రొత్తసిద్ధిని, లేదా నవసిద్ధులను కల్గించేది ఆసనం.

తర్పణం-->⏩ పరివారంతో కూడిన పరతత్త్వానికి క్రొత్త ఆనందాన్ని కల్గించేది.

గంధం-->⏩ అంతంలేని దౌర్భాగ్యాన్ని, క్లేశాన్ని నశింపుచేసేది ధర్మఙ్ఞానాలనిచ్చేది.

అక్షతలు-->⏩ కల్మషాలను పోగొట్టడం వల్ల తత్ పదార్ధంతో తదాత్మ్యాన్ని కల్గించేవి.

పుష్పం-->⏩ పుణ్యాన్నివృద్ధిచేసేది, పాపాన్ని పోగొట్టేది, పుష్కలార్ధాన్ని ఇచ్చేది.

ధూపం-->⏩ చెడువాసనలవల్ల వచ్చు అనేక దోషాలను పోగొట్టేది, పరమానందాన్ని ప్రసాదించేది.

దీపం-->⏩ సుదీర్ఘమైన అఙ్ఞానాన్ని పొగొట్టేది, అహంకారం లేకుండా చేసేది, పరతత్త్వాన్ని ప్రకాశింప చేసేది.

నైవేద్యం-->⏩ ఆరు రుచులతో నున్న నాల్గు విధాల పదార్ధాలను,దేవతకు తృప్తినిచ్చేదానిని నివేదన చేయుటయే.

ప్రసాదం-->⏩ ప్రకాశానందాల నిచ్చేది, సామరస్యాన్ని కల్గించేది, పరతత్త్వాన్ని దర్శింపచేసేది ప్రసాదం.

ఆచమనీయం-->⏩ లవంగ, జాజి, తక్కోలములతోకూడిన ద్రవ్యం ఆచమనీయం .

ఆవాహనం-->⏩ పూజ కొరకు దేవతను పిలుచుటయే ఆవాహనం.

స్వాగతం-->⏩ దేవతను కుశలప్రశ్నవేయుట.

పాద్యం-->⏩ చామలు, గరికలు, పద్మాలు, విష్ణుక్రాంతలతో కూడిన ద్రవ్యం పాద్యం, పాదాలు కడుగుటకు ఇచ్చే జలం.

మధుపర్కం-->⏩ తేనె, నెయ్యి, పెరుగులతో కూడినది.

స్నానం-->⏩ గంధం, కస్తూరి, అగరు మొవాటితో స్నానం.....

వందనం-->⏩ అష్టాంగాలతో కూడిన నమస్కారం వందనం ఉరస్స(వక్షస్థలం, శిరస్సు, మనస్సు, మాట, పాదాలు, కరములు, కర్ణాలు, నేలకుతాకించి చేసే వందనం సాష్టాంగం)......

ఉద్వాసన-->⏩ దేవతను, ఆవరణ దేవతలను పదహారు ఉపచారాలచే పూజించి పంపడాన్ని ఉద్వాసనమని అంటారు...

🙏🙏🙏